Komt Trigj no Gott

Toom Läsen:  1 Samuel 7:3-10
              “Un Samuel säd to de Israeliten:  Wan jie met jun gaunzet Hoat trigj no däm Harn komen wellen, dan riemt opp met de framde Jetta dee jie haben, un sat jun gaunzet vetruen opp däm Harn un deent blooss am.  Dan woat hee junt ut de Filista äare Macht raden.
         Un dan riemden see äare Baals un Astarten tosied un deenden blooss däm Harn.  Dan säd Samuel de Israeliten:  Komt emol aula toop bie Mizpa un dan woa ekj däm Harn aunbäden fa junt.
Un daut Volkj kjeem no Mizpa.  Doa holden see waut Wota opp un gooten daut ver däm Harn, un see deeden dän gaunzen Dach fausten.  Dan säden see:  Wie haben jesindicht ver däm Harn.
              Un Samuel wia Rechta äwa daut Volkj Israel en Mizpa.  Aus de Filista hieeden daut sikj daut Volkj bie Mizpa jesaumelt haud, jinjen de Volkjsleida von de Filista met äare Kjrieja jäajen an.  Aus de Israeliten daut hieeden, ferchten see sikj, un see säden to Samuel:  Hia nich opp met däm Harn onsen Gott auntobäden.  Bäd daut hee ons von de Filista äare Macht raden woat.
             Dan neem Samuel een Laum, woat noch suen deed, un opfad daut gaunz aus een Brauntopfa fa däm Harn.  Un Samuel bäd däm Harn aun fa daut Volkj, un de Har auntwuad am.  Ea Samuel foadich wie met daut Brauntopf, kjeemen de Filista opp, om Israel auntojriepen.  De Har, oba, leet daut dän Dach soo sea vom Himmel rumlen daut de Filista gaunz vewillat worden un trigj randen.
 
 
            Waut passieet wan Gott sien Volkj trigj dreit no Am?  Aus de Israeliten ieescht wullen trigj no Gott dreien, fäld an halp von Samuel, wäm Gott haud aunjestalt krakjt fa dee Uasoak.  Foaken enne Schreft sacht Gott, "Komt trigj no mie! Un ekj woa junt heelen."  Lang trigj, en Josua siene Tiet, kjeemen de Israeliten aul bat dit Launt, un oba wiels see horchten nich no waut Gott an säd, hauden see Trubbel.  Gott haud an jesajcht daut see sullen aul de Velkja, dee en daut Launt wieren, gaunz ut driewen, un dan wudd Gott an säajnen.  "Räd met de Israeliten un saj to an:  Wan jie äwa dän Jordan en daut Launt Kanaan jegonen sent, dan sell jie aule Enwona ver junt vedriewen un aule Jettabilda un aul äare jogotne Bilda vestieren un aul äare huage Opfastäden venichten," (4 Mose 33:51-52).  See oba bleewen nich tru, un leeten väle von de Velkja toch.  "Wan jie de Enwona von daut Launt nich vedriewen, dan woaren junt dee, dee jie äwaloten, to Spekjasch en june Uagen un to Spekjapitschen opp junen Rigjen  woaren, un woaren junt en daut Launt, wua jie bennen wonen, unjadrekjen," (4 Mose 33:55).  Wan see dan hauden jehorcht wudden see nu nich soonen Trubbel haben.  Oba Gott es Jnädich un lat an noch eene Jeläajenheit daut see kjennen trigj no am dreien.
            Oba ea Israel kunn trigj dreien musten see weeten daut Gott wia nich mea met an.  Dit passieed en de Varzh ver dit wua de Har sien Kjist wort faustjenomen von de Filista un wort no äare Städa jebrocht.  Dan wort Israel mol en daut Gott haud an veloten wiels see bäden aundre Jetta aun.  No daut deed Gott een grooten wunda un brocht sien Kjist trigj, oba de Israeliten wisten nich woo see sullen ver Gott komen, wiels see hauden Am vejäten.  Aus 70 von de hauden jestorwen, worden see en daut see wieren schuldich ver Gott un hauden am vejäten aus äa Gott.  Dan roopten see Samuel toom an halpen trigj dreien.  Hee säd too an, "Wan jie met jun gaunzet Hoat trigj no däm Harn komen wellen, dan riemt opp met de framde Jetta dee jie haben, un sat jun gaunzet vetruen opp däm Harn un deent blooss am.  Dan woat hee junt ut de Filista äare Macht raden," (1 Samuel 7:3).  Aus de Israeliten dit hieeden, deeden see soo aus Samuel an jesajcht haud, un Gott rad an von de Filista.
            Dit es noch emma soo vondoag.  Foaken finj wie daut wie sent gaunz vetieft met weltliche Sachen, onneedje Dinja soo aus jelt ooda Oafgoot, ooda veleicht well wie han aulemaun saul ons jleichen.  Daut es sea leicht toom von aundre Dinja denkjen aus woo toom Gott deenen, un doawäajen mott wie iernstlich sennen met trigj komen wan wie sindjen, krakjt soo aus Israel must.  Wie motten jieda dach dee Dinja wajch doonen waut ons trigj hoolen von Gott nofoljen, un ons fresch gaunz hanjäwen too Am.  Hebräa 12:1 sacht, "Wiels wie nu soo väle haben, dee met äa stoakjet Biespell von Gloowen aus eene Wolkj om ons sent, well wie nu uk de Sind auflajen, dee ons soo leicht aunhenjt un schwoafalich moakt, un aunhoolent ranen, soo aus daut fa ons bestemt es."  De Sinden un schwoare Dinja waut soo leicht aunhenjen sent dee Dinja waut proowen ons wajch to dreien von Gott, ons Heilant un Rada.
            Woo steit daut met die?  Woone Dinja motst du looss woaren toom gaunz trigj dreien no Gott?  Ekj spräakj die Moot too toom soo sennen aus de Israeliten.  See wisten nich woo toom Gott entjäajen komen, un wort jestroft doaväa, oba wie haben dee Vespräakjunk daut wie kjennen met een frieet jewessen ver däm Jnodentroon stonen.  Hebräa 4:16 sacht, "Doawäajen well wie voll vetruen nom Jnodentroon gonen, daut wie Metleet kjrieen un Jnod finjen to de rajchte Tiet, wan ons de Help needich fälen woat."  Wie gonen aula derch Tieden wua ons needich Help fält, un motten looss woaren von de auldoagsche Sachen von Läwen un trigj dreien no Gott.  Well wie trigj dreien no Gott wan wie ons vesindjen jäajen am, un dan woat hee ons uk doa rut halpen.  Daut haft hee ons vesproaken.